为处女网剧身兼编剧副导演　徐頴堃认请妈咪雪梨出山难

徐頴堃（Erica）首次为网剧《我在CoverDog的日子》担任编剧与副导演，并找来同公司的余洁滢（Zoe）和张丹蕾（Dana）演出其「处女作」，Erica表示︰「今次呢套系处境喜剧，事前都好紧张，怕创作嘅剧情唔够好笑，其实都系将自己亲身经历写落剧本再放大，播咗几集反应唔错，自己都好开心。」

在播出的最新一集，饰演Zoe秘书的Dana为找寻「遗失的鸡翼」的下落，向公司同事严刑追问所发生的趣事，Erica笑道︰「有一次拍摄时我买咗一盒鸡翼食，之后发觉唔见咗一只就系咁问人有冇食到，有位成员认话系佢食咗，但佢系唔想我唔开心先咁讲，我就更加想知只鸡翼去咗边，最终原来鸡翼系俾人整跌咗盒鸡翼在沙发底。」剧中的「鸡翼杀手」Zoe表示︰「睇剧本时觉得好搞笑，点解会讲鸡翼，原来系Erica亲身经历。」

为重现Erica的鸡翼事件，Zoe笑言扫跌鸡翼都好讲究︰「当时拍咗好多take扫跌鸡翼，但点都扫唔跌，真系扫跌时同真实事件一样，扫咗落梳化底，都几好玩。」至于Dana说︰「当时情绪上落几大，几激动，因为话我为咗鸡翼癫晒，用咗好多气力。」

问到会否再创作不同的作品？Erica直言︰「创作呢套剧系想带畀观众开心正能量，之后都会继续创作，幕前幕后都想做。」那么会否为父母徐少强和雪梨创作剧本演出？Erica笑说︰「如果可以当然好啦，但呢个要谂谂拍摄咩题材，而家自己储多啲经验先，要有好剧本先可以叫郁佢哋，特别要请妈咪出山都好难㗎。」