【独家】首度合作主持《是滴是友》廖碧儿林晓峰拣对象要搵酒友

2021-03-25 20:22

廖碧儿（Bernice）和林晓峰（阿Lo）最近首度主持ViuTV《是滴是友》，一齐讲饮讲食，虽然之前未有正式合作，但一见如故。阿Lo大赞有品酒师资格的Bernice将酒与地道美食配搭有惊喜，亦经常攞靓酒出来任饮，而Bernice认为同朋友叹酒最开心。讲到两人都单身，他们都认同拣对象如果是酒友会更好，因酒已是生活一部份。撰文：杜淑霞摄影：谭壹致服装：Marina Rinaldi

阿Lo坦言拍摄初期以为跟Bernice合作好耐，但原来只一齐开过两次Live，「做嘢见好多女artist好少见好似Bernice咁样感觉，同佢可以倾到偈，有啲真系倾唔到偈，佢感觉好friendly。」原来早前两人开Live也跟酒有关，Bernice说：「疫情开始后，我开始做啲饮食Live，帮吓啲朋友同埋酒商，仲有啲餐厅，啱啱有朋友话佢（Lo）得闲，佢又锺意饮同食，佢就嚟帮手拍。」

节目中，Bernice介绍的不一定是贵酒，她解释，「有时真系唔使好贵嘅酒仲啱，因为贵嗰啲好复杂太多层次，中餐好多香料好多汁。」而每次配搭阿Lo都大赞有惊喜，「有啲嘢食系唔会衬酒，譬如臭豆腐我真系冇谂过衬白酒。」他更笑言最欣赏Bernice够阔绰，「最重要系开佢嗰啲红酒白酒同埋香槟嘛！我哋做完庆功嗰啲酒呀，我哋都唔知几开心！」Bernice觉得同朋友分享不会计较，「我好锺意睇佢哋反应，锺意唔锺意唔紧要，我锺意同人分享，我自己收埋咁多酒冇用。」

Bernice与富二代卢启贤（Calvin）两年前分手后，早前有传复合最终两人否认其事；而阿Lo去年跟康子妮承认离婚。两位爱酒之人现在都单身，问到他们拣对象是否首先要锺意酒，Bernice说：「又唔系，但要识喺酒世界入面沟通，因为酒唔单止系酒，有旅行好多方面，仲包括lifestyle。」而阿Lo亦肯定话：「梗系啦！但大家坐埋一齐，唔一定要饮酒，有养狗识煮嘢食，其中一样系咁样系会多咗话题，我谂系信任好紧要，做朋友好搵对象都好，信任好紧要。」