陪月姨姨唔戴Bra爱露体 孙慧雪爆老公吓亲掉头走

孙慧雪、关心妍、张美妮齐主持网上节目《靓妈围炉》，今集大爆「陪月」经。阿雪表示陪月完约后，请了一位非常特别的姨姨来凑B，「佢唔知点解好锺意唔戴胸围，又经常喺BB房只系着住条底裤行来行去……哈哈哈。我老公试过按开个CCTV想睇下个仔喺房做紧咩，就见到个姨姨……下半身无遮无挡。又试过个姨姨听到我老公叫佢，突然喺浴室只系包条毛巾冲出来问佢咩事……吓到我老公即刻话『冇嘢喇』掉头走。」
张美妮就非常之肉赤，用9万请了个不合拍的陪月。她表示当时即使辛苦都要喂人奶，但陪月就觉得「半夜三更你最好泵定奶放喺到」，不想半夜坐定定等妈妈喂个几钟，还向美妮老公投诉，指美妮太紧张、没泵奶备用，搞到美妮委屈爆喊，奈何已经签了两个月约，最后埋单9万元，对方只工作了一个月。