【独家】扮MIRROR吸咗好多「镜粉」 OP以唐奕聪遗作面对逆境
2021-03-11 23:04 
环球唱片乐队ONE PROMISE近期两首大热作品《怀念晴朗的雨天》及《明年见》都系由已故太极乐队成员唐奕聪(Gary)监制，对于Gary突然离世，四子难以接受，惟有将伤痛化成动力。之前OP邀请咗MIRROR成员Jer(柳应廷)合作推出《明年见》Duet Version，为面对逆境带来共鸣，亦能为自己打气，希望唔好嘅嘢可以快点完结。采访：方骞平
新歌《明年见》除咗系唐奕聪跟ONE PROMISE合作嘅最后作品外，亦因为OP鼓手Anton手指骨枯，寓意他要好好休息，所以对Anton而言，歌词好到肉，他说：「因为医生建议休息一年，为怕拖累兄弟曾打算退出，但佢哋全部好支持我，要我留低。」文迪坚持，Anton虽然休息，但OP会继续做落去。喺疫情下冇得出Show，加上少咗个鼓手，OP喺演出上都会有新玩法，包括会拍多啲网上短片同Fans互动。
多谢Fans高抬贵手
之前OP跟MIRROR「撞封面事件」回响好大，尤其Anton效发Stanley(邱士缙)露背，文迪扮眼定定嘅姜B等。天衡笑说：「唔系扮，系撞桥，咁啱大家谂紧嘅嘢一样！」文迪呻好惨：「冇人敢扮姜涛，所以搵队中最丑样嗰个扮，你谂吓我几大压力！好彩都有人赞我有小小似。其实扮得最差嗰个系我，姜糖评价我面色太黑，颜值差好远，都多谢佢哋高抬贵手，踩得唔系好应。」因为咁玩嘢，天衡直言多咗MIRROR Fans追踪OP及留言，产生咗化学作用，都算几得意。Anton唔怕得罪MIRROR忠粉：「𠵱家啲年青人都讲得笑，明知我哋系玩，而且我哋同Ian、AK都合作过，知道大家都讲得笑。」
最新回应