【独家】搵钱供楼 烂挞挞角色乜都接 汤洛雯避谈婚期唔讲马明

33岁汤洛雯（靓汤）和47岁马国明（马明）认恋8个多月，一直爱得高调又甜蜜，引来全城催婚！有消息指他们已着手筹备婚礼，并于今年8月拉埋天窗。新剧《失忆24小时》拍档谭俊彦（Shaun）更爆料：「可能佢哋已经签咗纸！」靓汤即否认婚讯。问到靓汤今年会否嫁人？接受《头条日报》访问的她称「唔答咁实」，仅透露下月开剧拍到9月，之后会安排其他工作，仲忽然低调唔讲马明。但转个头，分隔两地的「汤马」又于IG晒定情公仔，闪盲一众网民。撰文：黎宝伦　摄影：谭壹致

汤洛雯曾于无綫剧《心理追凶Mind Hunter》饰演临床心理学家，与马国明咀戏连场。时隔4年，她于热播剧《失忆24小时》再演心理医生，与对手谭俊彦更上演从影以来最激吻戏，搞到靓汤都好尴尬，「之前冇㗎。（因Shaun较吸引？）一定系啦，哈哈！其实通常蜻蜓点水，今次锡到瞓喺度先尴尬啫。」对于再拍激情场口，靓汤称咀嘴也可以，摸就要视乎剧情需要，「其实奸角都想试吓。（狐狸精？）无所谓，角色吸引、多发挥都想做，或者好烂挞挞、讲粗口都OK。」为拍剧和电影，她亦不介意像《杀手》中的龚嘉欣铲青，难道博攞奖？「奖项唔系我目标，唔应该因一个奖而否定自己，其实每年都学紧嘢，进步先最重要。」

终止结婚话题
自去年6月认恋后，次次提及马明都侃侃而谈的靓汤，早前被问到婚期时却表示讲到闷，今次也明显不欲多谈，她坦言没料到一直大方回应却遭频频催婚，「我哋只系拍咗几个月拖，正常Couple都要了解，好开心大家祝福我哋，但有番少少空间会好啲。（好大压力？）又唔系，但唔想一讲我就联想结婚，因为我仲系搏杀期，好想大家聚焦工作，所以都唔再讲咁多。」提到曾扬言马明封帝即结婚，她称纯粹讲笑，本来想藉此终止这个话题，未料再惹来婚讯！若马明当时得奖可会兑现承诺？靓汤说：「而家都冇，唔讲喇。（好在冇中？）过咗去喇。」至于传8月出嫁，问婚期是否近？她仅答：「唔知。（今年内？）8月唔会，9月都应该唔会。（12月前都唔会？）唔答咁实喇，而家真系冇呢个Plan。」