【独家】家燕姐教面对是非方法 张曦雯唔搞绯闻同男友好开心
2021-03-08 08:08 
薛家燕带领林盛斌、冯盈盈、区永权、张秀文主持的TVB节目《天天开运王》，帮观众及嘉宾趋吉避凶。最搞笑玄学家杨皓云指张曦雯(Kelly)懵盛盛，通常畀人暗算完，事隔一段日子后才由第三者口中得知，傻人有傻福的Kelly笑说：「呢行有好多是非，惟有当唔知！」采访：方骞平 摄影：谭壹致
喺TVB节目《天天开运王》中堪舆学家杨皓云大赞Kelly下巴厚，会有好多贵人，所以唔使怕是非，在旁作为前辈的家燕姐即提供心得：「是咁的，好多嘢我唔锺意听嘅话，我可以当听唔到，视而不见，听而不闻！」个个都拍烂手掌，力赞佛系家燕姐道行最高深。
唔使男友送首期
Kelly之前被外间翻炒跟「视帝」王浩信的绯闻，她一口否定传闻：「我同王浩信有倾偈，但只系朋友嗰啲，正常同事嘅社交，我系一个新演员，拍戏时都会倾吓工作，我男朋友都识佢㗎！」Kelly更向男友大派定心丸：「我同我男朋友咁开心，所以唔会有呢啲谂法，我入咗行咁耐都冇绯闻，我嘅感情好稳定。」
Kelly原先打算购买将军澳私楼楼花，供父母回港时暂住，也作为投资用途，可惜最后都抽唔到，她无奈说：「香港买楼好难，好多有钱人买楼！」她强调跟男友财政独立，唔会叫男友送首期：「我哋嘅关系唔系咁，又未结婚，我唔会有呢啲要求。」
關鍵字
最新回应