【维港会】今日惊蛰打小人 港人冀打走新冠病毒

2021-03-05 07:45
今日惊蛰打小人。
今日惊蛰打小人。

今日惊蛰,系农历二十四节气嘅第三个节气,湾仔鹅颈桥又会热闹起嚟,啪、啪、啪,打小人之声四起。喺鹅颈桥底嘅打小人持牌人红姑话,近期有人嚟要求打新冠肺炎病毒,希望用拖鞋底打走呢只衰嘢,令香港人嘅正常生活快啲回复正常喎。人同此心,唔该红姑大力啲打落去。

有多年打小人经验嘅红姑话,以往多数系女士嚟帮衬打小人,多数涉及感情事,要求打老公嘅小三,但近一、两年经济唔好,多咗人要求打小人、保就业,即系想公司里面啲小人绝迹,令自身工作安稳啲。近排最新嘅打小人目标,就系新冠肺炎病毒嘞,有人专程嚟要求红姑狠狠咁打只病毒,求打走佢,香港经济快啲好番,世界回复平静,小妹都希望系咁就好啦。

讲到生意,红姑话过去一年几无咗游客,生意淡薄,平日甚至「食蛋」,但惊蛰系旺日,佢预咗今日打小人打到通宵。


农历惊蛰,意味春天时节开始,天气将会明显变暖。天文台就预测,今日大致多云,有几阵雨,稍后有薄雾,气温介乎二十度至二十四度。

今日惊蛰打小人,港人最想打走嘅系新冠肺炎病毒。
今日惊蛰打小人,港人最想打走嘅系新冠肺炎病毒。

關鍵字

最新回应

關鍵字

热门文章