【维港会】遭女友施压向母借钱买楼 公屋男向同事呻无晒生活

有网民在网上讨论区「亲子王国」发文，称家住公屋的男同事本来生活平凡无大负担，但自从认识女友后被施压买楼，只好花光积蓄兼向母亲借钱置业后，男同事向发文者苦笑道「无晒生活」。

发文者指，男同事本身与家人同住公屋，一向无经济压力、收入稳定，每月有些钱储存下来，直至认识了现任女友，人生就大转变。

发文者指，刚开始女方小鸟依人甚麽都説无所谓得男同事欢心，感情一路发展下，而且男方「心谂女友唔系住紧楼价贵嗰种屋苑，系好普通嘅旧私楼，感觉同公屋冇太大分别，觉得女友都唔会嫌住屋环境有咩太大差距」。发文者指当女方都表示要预备结婚，要求男同事买一只大钻戒订婚，男同事仍然觉得无问题，认为展现诚意与承诺都应分。

结果不久之后女方就继而提出买楼建议，男同事并不情愿，因为「一心谂住婚后继续住返间公屋，但佢亦唔敢反对，只系听从女友，想对方开心」。发文者形容，因女方锺情新盘，男同事于是开始留意新楼盘，但可以应付到首期的选择不多，为求买楼连将军澳日出康城都在考虑之一，最终用尽积蓄及向妈妈借钱购入。

发文者称，「当大家为佢成为业主而兴奋时，佢向住我哋苦笑真系将会自成一角，往后嘅日子就只有为供楼而工作，食个午餐都要度住度住，而佢到呢刻都唔敢向女友诉出心声!」

有网民质疑，「点解佢会觉得有女仔肯同佢搬入间公屋，仲要同佢屋企人一齐住呢，唔通佢靓仔过古天乐？啲咁冇大志嘅男人有人肯嫁佢都偷笑啦，佢仲想点呢」、「有呢个女朋友真系执到，迟下你同事实好多谢个女朋友，买砖头系保值，有能力买楼，当然向上流，所以唔怪之得社会上个个歧视公屋仔。楼主同事嘅谂法真系好常见，呢啲价值观仲系公屋户代代相传，个女仔就算住旧私楼，眼界都系另一层次，如果真系咁大怨气，放生个女仔啦，个女仔值得更好嘅男人」、「搬去公屋同老爷住，唔好意思我即时谂起香港爱情故事嘅白彪」。

帖文转载自「亲子王国」《同事买左楼但系话冇晒生活? 》