星岛日报

【维港会】不解公屋户安于玩乐少谂将来 网民见解惹热议

2021-02-22 15:20
公屋居民。示意图片
公屋居民。示意图片

网上讨论区「亲子王国」有网民,问现今公屋居民大多数是否都耽于逸乐、少筹划将来,引来网民讨论。

发文者说,留意到有人提出,「住公屋,可以好舍得食、玩,讲到好正咁,但又话自己储唔到首期」;「都有公屋,点解要抽居屋,都系同一间隔」。发文者大为不解,虽知公屋都有上进人士,但「系咪住公屋嘅心态(谂住住一世那些),都系今朝有酒今朝醉,好少谂将来呢?咁第时老咗退休,系咪多数靠政府,又或者有病痛时,就去政府医院?佢哋百年归老时,公屋会被收返,咁仔女点?」

有公屋出身的过来人说,「我以前都系住公屋的,之后屋企人透过绿表在自由市场买左居屋,公屋和居屋的人和环境真系差好远,我记得住公屋时,日日夜夜都会有人吵架,仲夹杂好多粗口,之后买咗楼,搬咗屋,真系好清静,由公屋的一层30户到现在一层先10户,连我屋企人都好开心,终于可以安静地过日子。」

有人指,「识几个住公屋亲戚朋友,心态觉得畀咁小钱可以住市区,老咗或失业又有政府养,做咩要自己买楼咁蠢,又住得远,咁远唔系人住,点返工?每次听到呢句就火」、「我身边朋友只有一个住公屋,佢又真系念住将来啲女结婚,祈望男家有私楼,自己个女公屋出身,又无物业,但又有要求,啲人思想好奇怪」。亦有人指出不少富贵人家藏身于公屋之中,「香港真系好多人滥用公屋,公屋富户停车场多名车,好多人住公屋都好有钱,我识得, 亲眼见。雇2个工人,饮饮食食,旅行豪华团才参加。」

有网民不解为何有公屋居民满足于当下环境。资料图片
有网民不解为何有公屋居民满足于当下环境。资料图片

有人认为不应该一竹篙打一船人,称「不论性别、背景、家产、学历,都有各式各样谂法嘅人,重点系自己承担返责任,唔好埋怨政府埋怨别人」有人说,「真系唔少人会滥用公屋,打工咁多年见过唔少个案:有啲单亲刻意搵少啲钱嘅part time等公屋(原本系做开全职就超过咗限额);另一半份工系出现金,报无业,排到单人公屋,结咗婚即刻在申请3-4人单位,排到之后只系用几十万就买咗;个老公开公司揸靓车,但就做好盘数,只系交好少租继续一家人住公屋...而我又认识有几个,一个大家庭逼喺个几百尺公屋,资产收入超过咗少少,咁就无缘申请。其实我知好多嘢都有灰色地带,正常善良人系唔会去触碰,只有贪小便宜有心之人先至会可以利用到。」

有人觉得,「我睇法系先苦后甜或先甜后苦,有能力嘅,居屋环境应比公屋舒适,后生有能耐捱吓,又冇打算生小朋友,到退休时,有咩事都仲有层楼为资金,香港生活成本高,选择到国内退休都仲可以出租层楼,继续住公屋,现时生活轻松,但到老年时只能靠政府,万一福利政策有改动,亦只能接受」、「有能力嘅都会想有自己楼,咁私楼买唔起咪买居屋罗,虽然系同公屋间隔差唔多,但都系嗰句,起码系自己楼,不过如果系我,我有公屋会住一世,买唔买居屋我都冇乜所谓」。

有网民不解为何有公屋居民满足于当下环境。资料图片
有网民不解为何有公屋居民满足于当下环境。资料图片

最新回应

關鍵字

相關新聞

热门文章