【独家】牛年望《男排》班底再合作 邓丽欣想办香港明星运动会
2021-02-18 19:00 
鼠年大部份港人过得不顺境，但邓丽欣（Stephy）算是幸运的少数，虽然工作量不多，但推出电影《金都》和剧集《男排女将》成绩不俗，最难得达成推广排球运动，兼跟男友王子（邱胜翊）煲剧心愿。提到牛年愿望，Stephy想《男排》班底再合作外，亦希望推出新歌，最想有机会筹办香港明星运动会。撰文：杜淑霞 摄影：张咏森 形象：Queenie Yu 发型：Vince pang@IL COLPO group 服饰：Issey Miyake、Chaumet
Stephy承认鼠年算不幸中大幸，「年初《金都》有好成绩，《男排》大家又好锺意，得到一啲民间奖项，咁逆境时候有鼓励同奖项，系好大意义，所以好感恩，自己算好好彩。」她最开心《男排》达成推广心愿，「好开心有套属于排球嘅戏，我收到好多message，有啲打开排球好想打番，有啲系冇打过好想学排球，呢个系我好想做到嘅嘢。」
Stephy想跟王子煲剧的心愿，原来亦悄悄实现了，「唔话畀你哋知！哈哈！（悄悄地）都系嘅。（佢嚟咗香港呀？）秘密地，呢啲唔好泄漏太多啦！走咗成年先话畀你哋知！」承认叉吓电好，「咁都真系要见一见嘅，唔系都唔记得咗佢啦！」问下次到她飞？她笑言：「除非去做嘢，搵啲嘢去台湾做先，哈哈！」
虽然《男排》成功，但Stephy不赞成拍续集，原班人马再合作则非常支持，「写嘅时候冇谂过，夹硬再写多条线唔系嗰样嘢，但可以玩啲番外篇。」提到Edan（吕爵安）同《头条》爆搵过她做MV女主角，而她话「畀得起钱就得」，「哈哈！讲笑啫！价钱面议。」她直言跟「力图」球员已拍出感情，「我真系当咗佢哋系学生或者细佬，好屋企人感觉，就算佢哋个人出歌都会好关注，想佢哋好同进步，当咗师徒关系。」新一年仲想仿效台湾搞个明星运动会，「有好多艺人都锺意运动，我哋可以玩，同埋推广吓健康运动好适合。」
最新回应