【独家】6大宅男女神玩Game嘈到拆天　34DRoseMa弹弹吓贝依霖用脚摺衫

2021-02-15 12:00

ViuTV真人骚《家务战场》找来Rose Ma（马俊怡）、陈婉婷（Hebe）、王颂茵（Kathy仔）、邱晴、贝依霖和伍咏诗 6位「世界级港女」挑战各种不同嘅家居任务，经过7日嘅地狱式特训，佢哋表示已「技能Up Up」好识做家务，仲话随时嫁得人喎……　讲到咁叻，《头条娱乐》梗要Test吓佢哋系咪成功由「妈宝」蜕变「必娶女人」啦，于是我哋安排咗３个大挑战，包括批苹果、唔用手掌掠衫同疯狂揈甩Memo纸，考考6位识唔识照顾人同体能。今次佢哋分成两组「超级无敌sss」和「喵」，输咗嗰队将要接受尴尬到爆嘅「扮女仆卖萌」大惩罚，所以佢哋都玩得既投入又卖力，为求胜出，贝依霖更不惜骚靓腿用脚趾摺衫，拥34D巨咪嘅Rose Ma亦施展浑身解数弹弹吓，将成身Memo纸尽力揈走，而对家Hebe就揈到变「贞子」！正所谓「三个女人一个墟」，呢度6个女人两个墟，比赛过程唔只疯狂尖叫嘈到拆天，仲劲唔听话疯狂出猫，场面非常混乱！

温馨提示：各位观众去片嘅时候，记得校细个喇叭先呀！