【独家】盼牛年戏院勿再停业 轩仔小龙莎莎Locker求电影顺利上映
2021-02-10 23:29 
受疫情影响，鼠年娱乐圈亦成为重灾区，电影业近乎停摆，吴肇轩、凌文龙、张蔓莎和林家熙（Locker）工作大受影响，唯有视空档为充实机会。快将踏入牛年，他们首要希望初七重开的戏院勿再停业，已拍好电影顺利上映。轩仔和小龙最想在艺术节合演音乐剧如期公演；而莎莎和Locker就会主动出击发展网上平台。撰文：杜淑霞 摄影：谭壹致 发型：Sam lo@orient4(吴肇轩+林家熙)、Yan Kwok@Lap Two Salon(凌文龙)、Lupus@orient4(张蔓莎) 化妆：Bonbon@MOD Makeup Academy(吴肇轩+林家熙)、Findo Siu@WHOOP IMAGE(张蔓莎)
轩仔认为鼠年发展尚可，最开心上月凭台湾电影《破处》在芝加哥独立影展获颁「Best Actor」奖，「系一个鼓励嚟，同佢哋（剧组）相处得好好，无论《破处》有任何人有好成绩，我都会好开心，好期待再同导演（林立书）合作。」踏入牛年他有意学新嘢，「首先做好每个角色，当然最好多啲机会，同埋想练一啲新嘅嘢，其实我唔锺意表演唱歌，但我会想个身多几把刀。」讲到将与凌文龙在艺术节合演的音乐剧《日薪》（暂名），他当然希望做到，但未敢抱太大期望。
小龙坦承鼠年经济上悭啲顶得住，亦多了时间重新思考，「反而开心呢一年我去咗上老师陈淑仪嘅堂同埋做助教，可以温故知新。我又开啲私人班，好开心教嘅过程会喺学生身上吸到嘢，呢一年对我嚟讲系好多养份。」讲到新年愿望，小龙都是放在演出上，「我希望每套戏每个演出，真系可以将每套戏入面想讲嘅嘢，或者自己创作对个戏、角色嘅睇法，可以畀观众有深刻体会，畀佢哋觉得我有份做嘅戏系好睇，佢哋有嘢谂，我就好满足好开心。」
主动出击网上平台
Locker去年算幸运拍了《妈妈的神奇小子》等几部电影，但因疫情仍未上映，「我几期待拍咗嘅电影可以上映，同埋希望今年多啲尝试搞笑角色，老实讲入行几年仲未搵到自己个位，今年想试吓搞笑方面去尽啲。上年年尾搞咗个online channel『试当真』，反应都几好，今年想再搞多啲project，做多啲综艺。」Locker更视男主角为长期目标，而短期目标是角色有观众记得。
莎莎坦承受疫情影响鼠年过得不容易，「都感恩或者庆幸keep住都有啲工作可以维生，亦有嘅尝试，而下半年上咗好多戏剧堂，成个过程丰富咗自己。」新一年莎莎想尝试向网上平台发展，「第一次尝试阿修（游学修）个channel『试当真』好好玩，系好有趣嘅世界，当可能电影电视剧未开拍到嘅时候，可能自己会创作啲片，同埋《地产仔》宣传时开Live都几有趣，自己都会试吓。」
最新回应