【维港会】 花市大缩水大栈老细帮老友 「兰花大王」 卖花

疫情反覆，多个行业饱受冲击，政府一度话取消年宵花市，无几耐又复办，但规模大缩，搞到一班花农无所适从，大批年花唔知点去货。大栈老板Sam哥同「兰花大王」杨小龙相识廿载，Sam哥听到年宵市场嘅消息后，二话不说，引入兰花于大栈全线分店售卖，杨小龙大赞佢好心，好感谢佢帮手。

Sam哥指，「本地种植嘅『千叶园』优质兰花，绝对能满足有要求嘅大栈顾客。」佢话，要种出好兰花，必须置于空气流通嘅地方，而千叶园兰花由种子开始，就喺本地温室培植，除花期特长，达两、三个月外，摆放得好，所有花蕊都会盛开。

Sam哥以花寄意，「兰花生命力好强，乾旱缺水的逆境中，仍然可以开得好灿烂，就好像我哋面对生意差嘅时刻，仍然挣扎求存，把握任何机会，自助又助人，更要做得漂亮出色！」

杨小龙话Sam哥以往年年向佢买兰花放喺公司，当Sam哥知道年宵市场嘅事，就问佢有乜可以帮手，佢回应话︰「帮手攞啲去卖啦！」Sam哥灵机一触，话有得谂，付诸行动，即时入货，变成大栈全线分店都有靓兰花卖嘞。