【朱慧敏结婚】拖新娘进场荣幸又紧张　林盛斌首次「嫁女」： 有少少腾鸡

朱慧敏（Queenie）前日（24日）下嫁养和医院心脏科专科医生陈良贵（Jason），当初撮合这段姻缘的林盛斌（Bob）就充当「外父」，牵着Queenie进场并交托到Jason手中。婚礼场内照今晨曝光，Bob下午于IG贴出与一对新人的合照，又留言：「点解我锺意做媒人？因为能够令到身边人幸福美满，自己都会好开心，好快乐。又一对修成正果，恭喜你哋。Jason，Queenie，祝白头到老，永结同心！」

事后接受传媒访问，对于预演嫁女，Bob表示拖住新娘进场时感到荣幸又紧张，他说：「非常戥佢哋开心，一个系我好欣赏嘅女孩子，一个系我认识好笋嘅笋盘，其实佢哋个相遇，虽然系我刻意安排，但系之后条路点行，都系睇佢哋，当然中间我都会关心两边嘅情况，讲好多正面嘅说话，所以最后佢哋能够行到呢一步，我真系好开心，佢哋仲要搵我做拖新娘子进场嗰个咁重要嘅角色，我自己都觉得好荣幸，但系又好紧张，你叫我做婚礼MC我就话唔惊啫，呢个咁严肃嘅岗位，人生第一次做，有少少腾鸡！」

谈到把Queenie只手交给Jason，Bob直言感觉像自己嫁女一样，他说：「仲有好惊喜嘅系佢哋斟茶畀我，我都真系估唔到，因为佢哋话我系媒人，所以要多谢我，我觉得好搞笑！（向佢哋传授夫妻相处之道？）我又唔够胆话教佢哋，因为佢哋都好恩爱，相信佢哋会生活得非常好，衷心希望佢哋幸福快乐，快啲生番几个好可爱嘅BB，组织自己嘅小家庭！」