【独家】为火爆坏男孩形象平反　林师杰喊住多谢老婆完全信任

出身于09年《超级巨声》的林师杰，去年中宣布跟TVB提早解约，盛传受太太欧阳巧莹政见所累而遭冷待，当时他公开寸旧公司给予「恩赐」，要求转签一年保证有1.2万收入的6骚合约。目前，师杰以独立歌手身份重新出发，谈到歌曲《尊悲不分》，「好多人挂住好嬲嗰个林师杰，觉得第一步出嚟应该畀人Feel到我团火，但我最想人知道我有沉思，系饮水思源嘅人。」他为火爆形象大平反之馀，又感激一班前公司高层如何哲图等的栽培。撰文：黎宝伦　摄影：张咏森　服装：尺度Rule Crossing Man　场地：Kura Teppan + Sake Bar

回想加盟「星梦娱乐」的5年间，林师杰只能唱公司安排的歌而且反应一般，令他觉得前路茫茫，当要被迫转约时决定离开，「最唔开心系畀人觉得我尖锐，我都冇得拣，愤世嗰个竟然系我？有唔舒服，但现实系咁残酷。」提到早年传向高层举中指又一脚踏几船，予人反叛形象的师杰即喊冤，自言对酒精敏感亦唔爱夜蒲，「一张蒲嘅相都冇俾人影过，何来极曳？每次写歌我都系澄清一啲嘢，但发现乐迷未必Feel到我谂咩，因为自己嘅音乐都系迎合人哋，我想搣走呢样嘢，平衡番自己。」

离巢后获太太全力支持，令师杰更有动力打拼，「佢系我老婆、最好嘅朋友，亦系人生数一数二好欣赏、敬重嘅人，喺我未睇清自己嘅时候，佢已清楚睇到我会成为一个好爸爸，好感动，佢竟然会谂到咁长远，我都冇谂到自己会结婚，令我对人生好有憧憬。」语毕他即哽咽，问自幼四处漂泊的他可觉泊到「好码头」？14年传被旧爱邓颖芝撞破跟𡃁模车震的师杰喊着续道：「佢畀到好大信心我，佢同我一齐嗰阵爆车震新闻，一张相都冇，佢都决定信我！」问到几时生B？他称努力中，但生活太多压力，一切随缘！