【忽然富贵唔使闭翳】「升呢」入住西贡独立屋蔡思贝传搭上金饰老板变三奶

2021-01-19 18:38

入行仅7年，29岁出炉视后蔡思贝向来好进取，近日被爆因拍金饰广告而认识有米广告商Sam，并获经已成为「人夫」，仲有位同居女友罗彩玲嘅Sam照顾疑做「三奶」，在台庆颁奖礼当晚获对方出动私伙座驾接载离开电视城，驶往有「明星屋苑」之称嘅西贡匡湖居独立屋，忽然变得好富贵。

有指贵为金饰商老板的Sam身家雄厚，他在社交网不时都会炫富，名贵跑车不在讲，更豪晒大箱现金，蔡思贝搭上他之后，不但背限量版名牌包包，今期《东周刊》亦爆她「升呢」由北角旧居搬往西贡匡湖居独立屋居住，甚至TVB台庆颁奖礼奖座，都系由Sam金饰品牌赞助，加上喺TVB落大量广告为TVB带嚟唔少盈利，作为该金饰品牌代言人嘅蔡思贝自然手执半个视后杯耳，成功撼嬴龚嘉欣，背后金主居功不少。

2019年底蔡思贝被爆与胡鸿钧(Hubert)暗挞，仲借埋胡鸿钧胞姐胡嘉雯嘅「波子」嚟代歩，亲蜜关系不言而喻，不过，随住思贝喺台庆颁奖礼将胡鸿钧由「好友」降呢到唔同范畴嘅「朋友」后，Hubert 坦承蔡思贝近期冇再向姊姊借车。至于蔡思贝就忽然富贵解画：「之前报道话我借胡鸿钧家姐嘅车，Sam哥睇到后就问我需唔需要相熟司机嘅联络电话？咁样出入去做嘢会方便一啲，所以我去做嘢就会联络呢位司机，但每次都有计番钱畀佢，所以冇乜特别。」