【独家】四中佬开咪做新城晚间节目 林子博为听众解困带出正能量
2021-01-18 00:16 
踏入新嘅一年，单亲爸爸林子博要重新振作。于1月1日，逢周一至五晚11时开始，林子博(Bob)跟范振锋(Ricky)、张颢霖(Henry)及黎奕伦(Colun)为新城电台主持两小时新节目《Bibibala开大喇叭》，模式如同9年前由阿范、杜浚斌、阿Bob(林盛斌)、Sam嘅phone-in节目《新香蕉俱乐部》一样，子博大笑说：「我都系Bob Lam，希望将来有佢咁嘅成就！」 采访：方骞平
虽然林子博和生意人张颢霖都系处男下海做DJ，但有Ricky及Colun带住，做得相当流畅，惟一系最初唔太知运作流程，有待摸索。子博对个人表现相当满意，「我把声办识度高，一出声都变得几有气氛。做主持同做DJ有啲唔同，做DJ冇咁多框框，锺意讲乜就讲乜，话题阔啲。」
提到首集phone-in听众好爆，其中有位女听众话，新年愿望最想离婚，最不满老公要求她洗底裤。至于另一位女听众因为胸大，经常被朋友性骚扰。子博冇被吓窒，还教巨胸女听众要严肃对待，必要时应该报警。他又爆以前喺电视台（亚视）做主持经历，「某次男助导趁住我同一位上围丰满嘅女主持人倾谈时，行来行去借意碰撞，女主持忍无可忍，喺制作部当住众人前斥责PA话『点呀？弹唔弹手呀？』呢招劲呀！PA吓到走都走唔切。」至于阿范话旧节目咁受欢迎，所以搵埋兄弟一齐做，但阿Bob去咗电视台，上咗岸好忙，不便打搞他。Colun笑言节目中大谈感情问题，咁要搵「情圣」Henry喇！Henry尴尴尬尬话：「我结婚前都拍过几次拖，有少少经验啫！」子博希望透过节目发放正能量：「我都系一个人办，我都可以过得到，应该产生鼓励作用。」
最新回应