直言后悔离开无綫 许廷铿首爆与同事涉金钱问题

许廷铿（Alfred）受访电台节目《旧日的足迹》，被问到2017年离开无綫被「封杀」可有后悔？Alfred说：「有！最近都有动摇，甚至影响信心。当时我考虑咗半年，因为有一件事一个关口嘅出现，我同一个同事发生咗一啲磨擦，牵涉到金钱问题，如果要合作信赖，我必须坦白讲出嚟，高层后期先知道呢件事，但当时冇好好处理。其实我同旧公司系握手言和分道扬镳嘅，今次系我第一次咁细致去讲离开公司嘅原因，并非想说明自己受咗委屈，其实我对所有帮助过我嘅人冇任何仇怨同不满，反而多谢佢哋多年来对我有阵时唔成熟嘅包容！」对有不少人觉得他这决定任性，他希望的是创造出有自己色彩的歌。

Alfred跟郑欣宜以兄妹相称，欣宜大赞他零死角，他亦大赞欣宜是心目中女神。最近有人提起欣宜35岁便可继承母亲沈殿霞巨额遗产，问到许廷铿可会请教对方理财之道？他表示做朋友不会讲钱，说：「其实佢冇大家想像中咁挥霍，大家平日见到佢咁艳丽系错觉嚟㗎！佢比我更加贴地，可能会因为一碗30蚊嘅水饺而开心。」另外，Alfred又剖白与前度关系，他曾盼望前女友能现身欣赏其第一次的红馆个唱，结果不负所望。