前无綫员工走数多人中招 Bob先后3次共借出数万元

无綫导演Eddie在社交网爆料指TVBI前经理Simon，自2009年开始，12年来先后向他借钱共13万，至今仍未还钱已报案，并呼吁其他受害人报警。Simon以疫情没有工作，要照顾身体不好的妈妈等财困原因周围借钱，台前幕后工作人员都有人中招，先后向林夏薇、唐诗咏、陈敏之、庄思明、黄祥兴等借钱，其中林夏薇借了5千元给Simon被走数外，最新得知林盛斌（Bob）先后3次共借出数万元；还有刘思希及陆诗韵也收过Simon的借钱短讯。

Bob透过短讯回覆：「之前喺TVB见到都会倾吓偈，佢冇做之后，都有短讯联络。第一次借钱系上年一月，隔咗冇耐就再问第二次，之后三月再问多一次，总数系几万蚊。佢都有讲过点样还钱嘅，但系就从来冇兑现过，既然已经有人报咗警，咁就希望佢会自动自觉，还返啲钱畀所有借过钱畀佢嘅人。」

刘思希透露近日收到Simon短讯要借1万元，她说：「其实我同Simon唔熟，以前在餐厅见过，佢问我攞咗电话号码，之后都冇联络。前两日收到佢问我借1万元的短讯，佢话阿妈身体不好，又冇工开，最初都谂过借畀佢，不过他要求保密唔好话畀人听，觉得好奇怪，为证实他是否有困难，我问了一位艺人朋友，对方知道Simon问过好多人借钱，所以叫我千祈唔好借，最后我都冇借到。」

陆诗韵表示去年9月对方问过她借1万元，以前在无线虽曾合作但不熟，之后已没有联络，都知道对方不在无綫一段时间。她说：「佢透过短讯问我借钱，我冇回覆，有心问人借钱，都会亲自打个电话，之后佢又冇打电话畀我，所以冇再理。」