【维港会】男友提合资置业要立「分权契」 港女犹豫:未结婚已谂分开

未结婚先想定离婚？网上讨论区「亲子王国」有网民发文，其侄女的男友有意合资置业并结婚，但男方表明要求「分权契」以保障男方母亲，引起女方猜疑是否值得信赖。

网民透露，侄女有感情烦恼求助，指拍拖约4年的男友主动问她收入及积蓄，声称想一齐夹钱买楼将来结婚用，但男方主动讲明要写「分权契」，原因是「万一佢有咩万一要保障佢阿妈」。男方还「开口讲到明要买边度嘅楼，奇怪在又唔近男家，又唔近女家，只喺话个度值得投资买」。

发文者认为要求有古怪，「一向我身边啲朋友两公婆买楼都喺正正常常用咩长命契，就算有咩事都喺正常跟法律，最多男方未落张平安纸也可以」

发文者猜疑男方有古怪，觉得不像是为结婚组织家庭安居而买楼。「我直觉佢哋有机会分手，男方太计得尽，不适合同任何女人结婚，好似好防老婆。我感觉有啲违背婚姻誓词内承诺」、「男方想算死草计埋万一离婚或婚外情……觉得男方真喺唔准备结婚嘅人，婚姻始终讲承诺、责任、忠诚、同甘共苦」

其他网民留言意见不一，有人奉劝「一日未结婚都唔好买楼住，感情嘅嘢好难讲，万一婚都未结，分手就麻烦」、「道理上男方无唔啱，感情上就一定有问题。系男方来讲未百分百确信女方，心中所想如果我死先过你，我阿妈你未必会照顾。而有咁嘅思想，间接亦会令女方觉得你对我有戒心，我点解要嫁？然后嘅然可以一齐买楼，点解唔结婚先？旁人来睇，佢哋未系时候考虑婚前共同买楼甚至结婚。」

但也有人指，「又唔可以咁讲，调转谂，如果自己有事早走，你想份个人身家保障返自己父母定比晒老公？男嘅受益人畀父母，女一样可以，我觉得好公道」、「分业权一人50%有咩问题？男女朋友都未结婚，是旦写一个名另一个又担心比人呃，咁一人一半各有保障，又一人一份供楼当储钱，都唔错呀。如将来结咗婚，个男人无写遗嘱就死咗，都系比哂老婆。」、「佢想保障佢妈，真系可以买保险，受益人可以写佢妈。再唔系，层楼唔写男仔名，直接写佢妈同你侄女名」

联名购买物业，可选择联名长命契或分权。如以长命契方式持有物业，其中一方过身，业权便全归另一方。如果物业是分权持有，其中一方过身，其业权便会留给后人或遗嘱受益人。