【独家】何思谚邀请参与假日巿集蒋祖曼享受「卖肉」乐趣

2020-12-25 20:00

蒋祖曼（Joman）早前接受《头条》访问时，已透露最近忙于「卖肉」，所讲的是平日爱种植的她，最近获好姊妹何思谚（Leanne）邀请，参加在利奥坊举行的《「漫」游文青假日市集》，出售她亲手种植的多肉植物外，还跟大家分享种植的乐趣。采访：杜淑霞

Joman最初爱上种植多肉植物，原来跟2014年与导演陈卓麒结婚有关，「结婚时我本来谂住买一批多肉植物嘅苗返嚟送畀宾客做回礼，当时买咗成一百盆，但后尾谂谂吓，未必个个人都锺意种嘢，如果唔要掉咗佢，都系一条生命嚟，同埋要啲宾客拎住走都好唔方便，后尾都系放弃咗，于是就自己种番。」

幸好反应不错

虽然多肉植物跟仙人掌是同一科，但Joman认为要种得好一点都不容易，这6年来失败过无数次，「我最初系受梁祖尧影响，见佢种啲香䓍嗰啲种得咁开心，我又跟住种嘢，好多食得嘅好似蕃茄、士多啤梨嗰啲我都种过晒。不过，啲人成日话多肉植物系懒人植物，但我就唔觉得系，想佢唔死唔难，但系你要种得靓，啲色够粉嫩，就系一个学问，嗰阵时真系死伤无数㗎！」

今次Joman肯割爱，全因好姊妹Leanne出手邀请，「佢今次系活动搞手，咁啱我学紧宠物美容，呢排成日谂如果有个地方可以卖宠物嘢同植物你话几好呢！？咁啱佢就问我，虽然只系卖植物，我觉得都可以同大家分享吓自己心得，同埋都谂住部份收益会用嚟捐去慈善机构。」但由于准备时间只得两个星期，搞到Joman每晚只瞓得几个钟，又担心近期天气冷会影响植物生长，但幸好反应不错，「第一个假日摆档已经卖出50盆，不过因为我朋友多，希望之后天气同疫情唔会有太大影响啦！」