【独家】父母以为骗案　Michael C 读到书偏要做歌手

今年4月出道的新人Michael C，是Sony Music「平原习作」第三代成员。在港大读书时，Michael C以原创歌曲参加校内歌唱比赛夺冠，赛后更被Sony拣中，点知父母以为个仔畀人呃，他只好将成件事全盘托出。出道短短半年，Michael C就在9月举行了第一个个人线上音乐会，由Year 1遇上签约机会，到毕业后才正式出道，这段时间当然磨拳擦掌有晒准备啦！撰文：何蔓琪 采访：杜淑霞、何蔓琪　摄影：李维隆


「结」下不解缘

Michael C今年先后推出两首自家创作歌曲《愚公》和《对频之间》，「《愚公》贴近我一开头写歌嘅Style，比较正能量同青春，感觉阳光。《对频之间》近而家写歌嘅Style，结他（部分）多啲，Rhythmic得嚟又Chill。两首歌都系呈现紧我最初嘅一面。」15岁时迷上方大同的音乐，Michael C尤其喜爱对方的专辑《15》，「方大同喺《15》入面成日弹电结他，我因为佢而练多咗，亦喺呢个时期开始接触John Mayer、卢广仲，好多不同嘅唱作人。」十分钟意弹结他的Michael C自言结他仲系佢嘅灵感缪思，「我成日弹弹吓觉得几好听，就会想（将旋律）Extend落去，两首新歌前奏都系咁嚟。」

感激命运巧合

毕业于港大的Michael C，其实早在Year 1已经畀Sony睇中，「当时我参加校内歌唱比赛，攞咗唱作组冠军，完咗之后公司就有人递卡片畀我啦。」虽然主修经济及金融，但Michael C一直最想做音乐，「DSE考到30分左右，够喺香港读书，屋企人又比较传统，觉得Kong U名气大啲。我对呢科唔系太大兴趣，所以唔算系好专注学业，放学后成日攞啲时间嚟写歌。」Michael C更与公司交涉近半年才跟父母坦白，屋企人反应却令他唔知嬲定笑好，「佢哋一开始以为系骗案，仲同我讲『边有人无啦啦签你呀，仲要唱片公司！』。既然个仔对经济金融真系冇兴趣，又咁钟意（音乐），不如畀佢做啦。而家佢哋好支持㗎啦，日日喺屋企播我首歌，播到我听到自己把声都觉得尴尬！」一切令Michael C觉得充满巧合，如果没有听从屋企人建议入港大，就不会赢得校内Sing Con冠军，成为歌手的路或者就会截然不同。

写词纪录主题

既然年纪轻轻就签约，点解今年先至出道？Michael C就解释：「公司知道我其实好想快啲做呢行，但佢哋觉得应该要读埋书先。我嗰科亦比较难同时兼顾，所以最后倾好咗，专心读完毕业后先出道。」今年派台的两首歌都是国语歌词，令Michael C大爆自己其实有铺填词瘾，「我唔锺意录Demo净系哼歌，通常就会写国语或英文词落去，比较易写之馀亦可以纪录当刻嘅主题。下年就会出广东歌㗎啦！」灵感经常涌现，Michael C不知不觉已储下大批作品，「都作咗5、60首歌㗎！」众多Demo之中又有冇一定要留俾自己唱的心头好？大方的他表示没有，「如果有前辈欣赏我作嘅曲，我都好欢迎对方拎走！」