【有存在感】苦练三个月演指挥家刘德华享受被年青人包围

2020-11-12 10:00

刘德华（华仔）为电影《热血合唱团》演合唱团指挥家，还身兼监制，原来华仔本身只打算做监制，有意搵素人做指挥家角色，但最终被关信辉导演和剧组说服。为咗演得更神似，他找来「儿童合唱团」的指挥家练习咗3个月的。因为今次他大胆地带领33位素人学生演员演出，华仔说：「我同其他的演员、导演、编剧不停喺现场搵方向，虽然系难，但开心嘅。最后我哋学到嘅，原来佢哋话，表达同沟通比打拍子更加重要，每个指挥家都有自己独特动作。」而今次同大班新演员合作，华仔话冇代沟，大家好夹得嚟，而被一班年青人包围住好有存在感，学会保持青春。

林恺铃爆同华仔拍对手戏好腾鸡
首度演出电影的龚慈恩囡囡林恺铃(Ashley)饰演迷失，活喺恐慌中嘅中学生，其中一幕她要喺华仔面前𠝹手自残，她坦言拍摄前压力好大，但华仔好懂得令对手感到自在：「拍完后因为穿崩见到个咪，我就好担心要重拍？加上太阳落山又落雨，当时我好腾鸡，华仔就安慰我话『唔使惊，𠵱家执图一点就会消失咗啦！条龙都可以执喺个天度呀！』」另伍咏诗觉得自己演学生群戏时，表现得不太自然，但华仔好懂得搞气氛，令大家变轻松。