【维港会】不满客人嫌菜贵 档主挥舞鎅刀爆粗狂骂孕妇

到街市买餸时经常要到处格价。日前一对夫妻到上水街市买餸时，丈夫因为觉得菜档的菜太贵而不禁惊呼出来。不料菜档档主竟怒气冲冲手持鎅刀奔向夫妻2人，不断以粗口辱骂他们，更在怀孕的妇人面前挥动鎅刀，令2人受惊。有街坊指该档是出名的恶霸，早已臭名远播。

一名女网民日前在FB群组「北区之友 Friends of North District (上水、粉岭、沙头角和打鼓岭)」发文指，自己与丈夫到上水石湖墟街巿打算买豆苗，当时2人在街市内不停格价，直到行到较后的菜档时，发现该档的豆苗并没有标示价钱，女网民于是上前问价，店员回答指60元半斤，而丈夫因少到街市买餸，不知道豆苗一向昂贵，惊呼「哗！黐线啲菜咁贵嘅，唔食豆苗啦」。

想不到菜档档主听到后大怒，随即手持鎅刀冲出来指骂他们，「黐乜嘢线，呢啲系豆胚」，女网民随即解释指丈夫只是不了解菜价，一时惊讶之下才脱口而出，并非有心骂人。但档主毫不领情，继续以粗言秽语辱骂他们，又不断挥动手上的鎅刀，更出言恐吓他们，「我好声好气行上前解释：我老公好少去街市唔知豆苗呢啲系咁贵，佢嗰句野唔系闹你地，纯粹系表达下食菜唔知买菜贵咁啫。点知个档口阿叔完全唔收声，不停系到问侯我地老母，仲系到大声挞朵话自己叫『家棋』，不停叫我地有本事就搵人扫佢档口，闹嗰阵仲系咁舞佢手上把鎅刀」

女网民因怀有身孕，担心档主会伤及婴儿，所以打算离开。「我陀住BB怕危险，本来都转咗身走㗎啦，点知个阿叔又喺到不停X，话我地怕咗佢要走。我老公嬲到行返转头，我就同阿叔讲，都讲左句嘢唔系闹你。我地都转咗身走，你乜事要咁样呢，一啲道理同礼貌都无。阿叔就指住我肚闹我系狗乸，仲要揸住鎅刀系我肚面前舞嚟舞去。我老公就拎左只蕃茄丢佢，佢揸住刀又再行近我，我老公就执起左板车仔谂住同佢死过，最后冇打到」

女网民事后忿忿不平，呼吁街坊不要光顾该档。有网民看到后都批评档主过份，「闹人狗乸咁无口德」、「买棵菜都唔使俾佢问老母」，亦有街坊指该档一早臭名远播，「佢系石湖墟街市红人」、「点解呢档野仲生存到，几时先肯执笠」、「依档嘢成日闹人㗎，闹到好似杀咗佢全家咁」。