【系叻嘅】狂做运动练出钢条身形 53岁林海峰超好臂力

53岁嘅林海峰(Jan)虽然踏入中年都好耐吓，但佢完全冇中年发福危机，因为佢好锺意做运动，如踢波就由细踢到大，近几年就爱上跑步，朝早跑，夜晚跑，跑埋山仲去到外国跑马拉松，总之不断跑跑跑，为人生不停奋斗。

愈跑愈钢条嘅林海峰好勤力workout，身形咁靓当然唔可以浪费，一招晒超强臂力嘅「向天放屁，别有一番风味。」就惹嚟大量正评，好多网友赞佢劲，但亦有唔少人提醒佢年纪唔细，「小心呀林伯。」瑜伽教练林德信就提议佢将手掌完全压喺地板，然后张开晒啲手指再抓住地板。