【Headline Girls】Never Too Late　刘芷盈

女子组合Magic Gals出身的刘芷盈（Mizer）是前羽毛球青少年代表队成员，现时私下仍有教授羽毛球，故有「最靓羽毛球教练」之称。入行后，Mizer参演过电影《全力扣杀》、《喜爱夜蒲》等，近年就主力于内地、台湾发展，去年更亮相江苏卫视的大型相亲节目，她坦言最锺意演戏，「我好锺意周星驰，系由细到大嘅偶像，但佢而家好少做幕前，希望将来有机会合作。」

入行10年，Mizer也直言未满意自己的演艺成绩，「当然唔满意啦，至今都冇好突出嘅成绩，虽然有一、两套戏大家认得，但始终都仲差啲，希望之后会有更好际遇罗。」提到每年后生靓女辈出，问到会否自觉愈来愈输蚀？「输蚀梗有啦，可能新入行嘅已经系00后，年纪上实输蚀，但除此之外都冇乜嘢输蚀，无论学历、口才等方面，唯有继续努力啦。（目标？）而家都唔系话一定要点红或去到乜位，我只希望有更好嘅电影、剧集畀我演出，希望有啲新角色挑战啦，我都有谂过去读大台训练班，呢个年纪可能迟咗啲，可能喺电影上睇吓有冇更多机会。」

为了突围而出，又可会尽地一煲挑战性感尺度？Mizer表示视乎性感尺度：「唔露点都OK嘅，露全背都OK。（太性感惊嫁唔出？）我谂呢个年代同以前唔同，以前性感女星好似舒淇咁，可能拍完（性感戏份）都仲可以畀人好清纯嘅感觉，但而家真系唔得，个个人睇法都唔同，同埋好多女仔都好开放，所以（性感）都唔系一个吸引人目光嘅方法，所以我唔会试罗。」