报贩疑收假500蚊港纸「练功券」 恐流入市面吁市民警剔

年近岁晚要小心骗徒，Facebook专页「全港报贩大联盟」昨日指，近日有报纸档收到500蚊假银纸，该银纸是内地银行的「练功劵」，他指「练功劵」同真银纸有8成似，质地亦相似，是内地银行让员工练习数银纸时用，但会印有「票样、练功专用、禁止流通」的字样。

专页提醒同业要小心，又批评骗子「『有心人装无心人』，有时啲人摺住畀埋嚟就系搏你睇唔到。」，担心一个人睇档时，分身不暇就会出事，苦叹「一张假银纸咁就两日白做，真系想追都追唔返！」。

专页提醒其他人，「行使」抑或「保管或控制伪制纸币」都属犯法，即使不幸收到，「都千祈唔好谂住洗咗佢就当唔知！」吁一定要报警处理。

有网民感谢其提点，指「大家唯有小心啲」，又有网民质疑为何「大陆银行用嚟训练系用道具港币，唔系用道具人民币？」。