【独家】大方再谈罗仲谦邓丽欣 36岁傅颖放下执着:「希望大家都好」

因为新冠肺炎疫情，在内地工作5年的傅颖(Theresa)惟有回港搵机会，在刚播映的ViuTV新剧《熟女强人》中便跟吴千语发展She She恋。刚36岁的Theresa虽仍然单身工作又不多，但现阶段生活模式最自在，锺意做乜就做乜。Theresa坦言已放下执着，唔再介意重提旧爱罗仲谦及曾经的死敌前队友邓丽欣(Stephy) 嘅恩怨情仇：「每个人生活都唔容易，我希望大家都好！」采访：方骞平 摄影：李维隆 发型：Zap [email protected] 场地：THE STADIUM

在ViuTV新剧《熟女强人》中，傅颖会介入吴千语同柏天男的感情大搞三角恋，除咗会同男方亲嘴，更会主动锡千语，角色感情既复杂又混乱，但好有挑战性。自从同年纪少她3年的蒙古男友分手后，Theresa Dry足3年，但坚拒接受同性恋：「我比较需要倚靠广阔胸膛，同女仔感觉好唔同。我唔抗拒拍拖，命运安排，遇到就会遇到。」



冇俾虐打旧恋情吓窒
回顾Theresa情路，当年她曾大爆被旧爱罗仲谦虐打，两人为爱反目，不过，Theresa强调冇畀以前嘅事吓亲：「其实以前嘅经历令到自己成长，对待一段新恋情时更加知道点样去维系及同对方相处。细个拍拖唔系好了解一个人就同咗佢一齐，𠵱家认识朋友，会摆多啲时间去观察、相处同了解，大家性格都唔一样，需要包容。」

有留意旧爱结婚生女
问傅颖可有留意罗仲谦同杨怡结婚生女新闻？她说：「其实香港真系唔大嘅，睇到新闻但冇乜特别感觉，本身都有咁多嘢要做，点会系咁留意人哋做紧乜嘢呢？摆返个专注力喺自己要做嘅事情上面，我希望大家都好，唔会想边个唔好，讲真每个人生活都唔容易，点解谂人哋唔好呢？最紧要自己都要过得好罗。」讲到过去经历，Theresa表示唔重要，唔会成日谂住同提住，「其实人生，每个人都有前任㗎啦！我成日觉得向前看啦，以前嘅嘢真系唔需要回望。」



主动去揽邓丽欣破冰
Theresa主动同传足12年不和的邓丽欣「世纪破冰」：「去年郑秀文演唱会后台我哋碰面，我主动上前揽佢同佢打招呼，因为好耐冇见，就系咁样我哋就交换联络，亦有联系返，仲话之后睇吓有咩合作，但合作要睇机缘罗！不过，谂返转头可能我太热情，佢见我反应咁大都呆一呆。」Cookies解散后，她曾发表过千字文，公开当年被队友排斥惨况，对此，她竟失忆说：「算啦，都过咗去。惟一系以前好少事都会好执着，会发表长文抒发，所以嗰段时间有好多著作出嚟，𠵱家叫我写反而觉得好难。」问到近年生活?Theresa说:「其实我好幸福，就算一个人喺北京，有瓦遮头，唔使喺出面日晒雨淋，有张咁舒服嘅牀可以瞓，身体又健全，其实有乜嘢会唔开心呢？个人谂得简单啲，就会开心啲，同人嘈交好浪费时间同精神。