唔想做人冇灵魂 《爆机自由仁》赖恩雷诺士教你如何改变世界

一开口笑死人嘅《死侍》(Deadpool) 系列赖恩雷诺士 (Ryan Reynold) 终于有新作面世！《爆机自由仁》由《怪奇物语》监制、《翻生侏罗馆》系列导演桑里维 (Shawn Levy) 继续玩转抵死人气题材，今次跳出博物馆，进入无边际的电脑游戏大世界。

赖恩雷诺士 饰演电脑游戏「自由城市」中的银行职员阿仁，日复日过住刻板又重复的生活，其实呢个世界好多人都系咁。有一日，阿仁突然发现自己竟然系一个游戏角色，不过阿仁冇认命，决定要不惜一切扭转命运 ！在虚拟人物Molotov Girl的协助下，由闲角「任何仁」变身「爆机自由仁」，拯救面临摺埋的电脑游戏！

从最新曝光预告可见，阿仁唔想做一个冇灵魂嘅人，唔想日日做同一样嘢，同保安老友狂呻，然后遇到Molotov Girl，由互相唔妥到慢慢挞着，男方想改变现状，女方告知两日后游戏就会收皮，暗示你做乜都冇用，认命啦，但好一个阿仁冇放弃，更联同一众游戏闲色起义，「我们可以改变世界，但必须一起反抗」好热血，好想睇呀。