【独家】搞网上葡萄酒生意当会友 乐瞳望未来能开实体店

乐瞳早前开公司搞网上葡萄酒生意，因几年前开始跟朋友学饮酒，对葡萄酒产生兴趣，于是就开始读相关课程。去年中更兴起做生意念头，虽然有朋友帮手，但事事亲力亲为的她坦承似打杂多过老板娘，而因疫情亦遇上不少困难，不过她自问并非专家，只抱着以酒会友心态，不敢想能很快回本，只望未来能开到实体店。撰文：杜淑霞 摄影：李维隆 发型：Match@Hair Festival Walk 服装：MZJJ 场地：Amelia@Habour City

乐瞳形容自己似打杂多过老板娘，但亦乐在其中，「其实我唔系老板娘，我系打杂嚟㗎咋！我系一脚踢，客顾服务又系我，前期嗰啲嘢，包装、拣啲咩纸、全部都系我拣，咩都关我事。不过开心嘅，对于我嚟讲呢个唔系辛苦，一个新嘅事业，过程当中都兴奋，虽然有啲跌跌撞撞咁样，所有嘢好新奇。」

由于属小本经营，乐瞳以出售平靓正葡萄酒为主，「譬如几百蚊都可以搵到支好好饮嘅酒，同埋我嗰啲货系比较少众，可能啲做法系特别啲，或者限量产嘅细酒庄。」因她会经常推介不同的酒给顾客，虽然暂时未遇上有人挑机，但她都会好小心，「人哋会觉得乐瞳识唔识㗎？可能会质疑我，讲真学术方面大把人叻过我，关于酒方面有几多证书呀！所以我今次做呢个生意嘅身份，想用一个wine lover（葡萄酒爱好者），平时我都锺意饮酒嘅身份，同大家分享同交流，以酒会友。」




不过乐瞳因经验不足，搞生意期间亦遇上不少困难，「之前有啲阻滞，会预番长少少嘅运输时间，呢度有啲困难，始终我系新手，我又预唔到啲货量，又要预时间运过嚟，变咗有时会冇货卖，有啲入多咗，有啲又入少咗。」幸好疫情下生意仍算不俗，「成绩算唔错，赚到少少钱，但一路要入货，都系放返落去，希望慢慢储多啲客源，最近目标希望快啲开到实体店罗！」