【Juicy叮】食客闻邻枱大妈教仔起疑问 「粉即系河」当真?

粤语文化博大精深，港澳一些日常生活用字外地人难以理解。「河粉」港人就食得多，但到底「河」与「粉」是否属同一样食物呢？

澳门网民Dee Wong在facebook群组「澳门高登起底组」发文说，听闻隔离枱的一名大妈同儿子讲，「粉即系河，河即系粉，河粉河粉呀嘛」，网民起疑，于是网上求教，「大妈有无老点个仔？」。

有网民猜测当事人是内地人，「新澳门人嚟架下，我乡下啲亲戚都系话呢啲叫粉，我话系河粉，佢都系咁答我一样嘅野」。也有人说「但叫米河会出双沟㗎喎...果个阿妈教仔粉等于河，按佢逻辑，叫米河都会出米粉，但事实叫米河会出双沟罗，港澳人都知嘅文化」，也有人举一反三，「鱼旦粉点解唔叫鱼旦河，乾炒牛河点解唔叫乾炒牛粉！好混乱」

也有人认真考虑，「其实妈妈无错，出面落单叫粉，基本都系出河粉，例子：香港人最锺意食嘅鱼蛋粉，即系鱼蛋河，可能河粉做左大家姐，其他粉面只能站边。就好似米饭咁，你话食饭，人地唔会问你珍珠米定其他杂谷」，随即有人说「『粉即系河』呢句冇问题，问题系『河即系粉』。爸爸系男人≠男人系爸爸」

不过也有人开玩笑说帖主「你去做伙记啦咁八卦」。