【维港会】见经典微波炉用25年未坏 网民纷炫陈年电器

近年的电器不少都只是用三两年就坏，不少人都觉得以前的电器反而更「襟用」。有网民在连登讨论区展示家中一部经典微波炉，用25年未坏，吸引一众网民炫耀自家的陈年电器。

网民上载一张乐声牌微波炉图片，称经搜寻之后才知道原来Panasonic以前叫「松下」（「乐声」），指「呢个微波炉细细个由旧屋带过黎，呢到都住左20年，保守估计部嘢用左25年 ，一直都想换部多功能啲但用极都唔坏，Made in japan真系有保证 ，反而依家新嘅洗衣机 雪柜就成日坏 」

有网民留言，「同你同一款喎！真系廿几三十年无坏」、「我都系用呢只，不过黑色版，我都系用24-25年，唔识坏嫁。系个灯泡烧咗无去换，同埋个Watt 数无咁足，中火无以前咁够热」、「呢个微波炉真系经典，细个第一部买既微波炉，搬完几次屋都仲用紧」。

其他网民纷纷分享自家用了最长时间的电器，「雪柜，用咗十几年」、「National风扇，用咗30年」、「电热水炉，用咗差唔多40年」、「屋企电饭煲应该差唔多廿年」、「金章洗衣机，用咗24年，意大利货」、「廿几年前made in sweden既whirlpool微波炉仲用紧」、「日立冷气、声宝微波炉都用左廿几年，仲有唔常用的飞利浦熨斗，原来已经40年」。