结婚周年二人世界庆祝 张致恒：多谢老婆用一年时间改变我个心

去年卷入桃色风波的张致恒，自从结婚生仔后修心养性，变身好爸爸好老公，更趁结婚一周年在社交网和老婆区燕雯示爱，感谢老婆原谅他无数的大话，再次维护老婆当初是在不知情的情况下成为第三者。他留言：「今日系我同佢嘅大日子，结婚一年了，我好想多谢我老婆 用一个无私嘅心去接受我嘅一切，当初我把事情搞到咁大，但系佢仲原谅我，其实一开始我讲咗无数咁多嘅大话嚟呃佢，佢一直都以为我分咗手，所以先同我一齐，直到所有事情爆煲，佢先知道原来我仲未分手，呢一年以来 好多时候佢谂返起 我对佢做嘅嘢佢都会自己一个人 喺度喊，见到佢咁样 我真系好心痛 亦都好后悔自己做过嘅错事，好多谢老婆用咗一年嘅时间去改变咗我呢个心，我会用一世承诺嚟报答返你对我嘅爱，老婆，虽然系呢一段时间 我哋好穷 过得有啲辛苦，但系我会继续努力去搵钱 畀一个更加舒适的生活你哋，你同两个仔先系我 最大嘅动力，喺嚟紧嘅日子我只会令你笑唔会再令你喊，我会努力去面对我嘅拖延症！我爱你啊 区燕雯」。
雯雯亦有发纪念结婚一周年，留言：「2020.9.2 结婚一周年.. 简简单单 食咗个lunch.. 行咗个圈 买咗啲家庭用品.. 难得一日 两个拍下拖.. 一对已经有仔女的夫妇 其实可以咁样出去几个钟 已经系一个好特别嘅庆祝* 虽然冇高级餐厅
冇一束花 冇礼物 冇浪漫特别嘅安排 但我有两个小朋友 已经足够。❤️」。