离开TVB唔使再做下靶位变身主角艾威：𠵱家搵钱比以前多

2020-08-26 19:27

早前传出婚变的艾威日前接受好友苑琼丹邀请，亮相香港开电视《开工大吉77》，艾威就话苑仔是自己「债主」，因此随传随到做访问：「上年有一件事佢帮咗我大忙，我话要请佢食饭答谢，点知唔够佢快手争埋单，搞到人情债愈滚愈大，所以佢话做嘉宾即刻答应。」

节目中艾威自爆真名原叫「徐威信」，因为星途向师傅关海山请教：「虾叔佢系我师傅，佢话我个名唔太似戏行啲人，所以叫我改名，我改『艾威』系因为『艾』字相对西化，『威』字就好刚猛。当时入行有人教我搵个师傅做榜样，跟住佢做就走少啲冤枉路，所以我就拜师学艺喇。」

艾威指行内有三位前辈令自己佩服，将角角活现镜头前：「虾叔、鹏哥（卢海鹏）、罗家良佢地三个唔会『念口枉』，系用个心去记台词，我发现死背对白系唔会演好场戏。」艾威坦言视演员为终身职业，但发展到某阶段，开始发主角梦：「人可能系贪心，你会觉得主角嘅戏先有血有肉，绿叶当然好重要，但系都想参与大剧、大电影，但你知道自己嘅定位，唔会有突破，甚至有制作人同我讲，佢地曾经向高层推荐我去一定位置，但被高层否决。」

早年艾威被旧同学王维基邀请加盟，离开服务33年的旧公司：「有次校友会聚会，佢话会开电视台，问我『过唔过去帮手？』我都未倾钱即刻话过！以前唔走系因为冇第二个台之嘛，咁多年都系喺下靶位，咁梗系走啦！」

艾威亦透露离开后，搵钱比以前多，更多机会参演幕前的岗位：「以前我连游戏节目都未试过，𠵱家做过旅游节目主持、做过主角、出书做作者等，疫情下我咪拍吓短视频，亦准备再写书，咩都试吓。」