【维港会】中产二代赢在起跑线 网民「穷人不应生仔」论惹热议

港人除了要面对搵食艰难，养育下一代更是烦恼。有连登网民近日就发帖指，中产家庭的孩子注定赢在起跑线，如无钱为下一代提供最好，就不应生小朋友，其「穷人不应生仔」的言论引起网民热议。

有连登网民以「其实香港好多人唔明白贫穷系几可怕，你永远弥补唔返」发帖，指大家身边公司总有些中产二代，识乐器又懂多国语言，未见识过世间残苦，形容是「人上人」，「佢地冇谂过佢地嘅大半所得都系源于有一个负责任嘅老豆老母。贫穷，未真正体会过嘅人系绝对唔会了解！」

网民说，因为贫穷，童年「乜都冇玩过，冇去过」，甚至无法和同学去旅行及出去玩，以致见识少。贫穷更令他们成绩差，「人哋就算学习能力差，都可以补习操多啲题目」。加上穷人父母通常是低学历及思想有问题，「佢哋以每年极少数穷苦考生考入医科嘅例子，去证明穷人读书冇蚀底」，但就忽略了99%的穷学生连大学都入不到，甚至中学都未读完就退学 。相反中产、小康家庭的父母就会教导小朋友功课和启发他们，「呢个情况等同你唔著盔甲，赤手空拳同一个著晒轻甲，手持短剑嘅人一决生死一样......99%前者必败无疑。」即使以后用尽方法赚钱，都不可能追回失去的光阴，「你嘅大半生已经系灰白色」，因此「穷人唔应该生仔」

贴文引起热议，意见两极，有人指反驳不到，「真呀，个差距系大到想象唔到，中产父母一个月收入，可能已系穷人家庭两三年收入，仲未计资产多可以投资增值，仲有由细到大品格见识，根本系永世无可能追到」、「细个穷冇乜见识，啲钱要悭住洗冇得同朋友去玩，剩系可以留系屋企，形成咗个人嘅性格，大个就算屋企环境好啲，但个性格都好难改变，依然好内向好自卑」。

不过亦有人认为贫穷根本没有定义，「家庭月入几多钱先生得？」、「中产出身要寄望唔好家道中落，自己唔好败家，因为比啲捱出嚟有成绩嘅人嚟讲，后者真系会坚毅过你」、「其他人都未睇你唔起，你就先睇唔起你自己，」、「穷人更加要生，更加要证明唔可以衰俾人睇」。