【独家】为做好演员暂不谈情 陈晓华择偶要识打机同下厨

陈晓华最近在剧集《迷网》饰演Madam「萧美婷」，这是她18年当选港姐冠军后，第一套参与作品，第一日开工难免紧张，她笑指当日绕住剧中男友朱敏瀚竟惊到手震。不过经过几套剧洗礼，她已由紧张到享受演戏乐趣，现在单身的她甚至为了专心做个好演员，决定暂时不谈情，但讲到择偶条件，她仍雀跃话锺意男仔爱打机，兼识得整嘢食。撰文：杜淑霞 摄影：李维隆 服装：Claudie Pierlot 场地：花木日本料理

陈晓华自中大毕业即参加港姐，严格来说港姐是她第一份工，演员工作对她更加陌生，所以第一日开工特别紧张，由于要拍与朱敏瀚的拍拖戏，但两人只在试造型时见过一面，根本不熟络，令她好难忘，「第一场戏我要绕住佢只手，我只手有少少震，好彩佢叫我唔使惊，因为系wide
shot嚟睇唔唔到。」

拍过3套剧之后，陈晓华明白演员不易做，不过亦好享受忘我的感觉，「真系仲有好多嘢要学，好似拍《迷网》要揸车，但自己冇车牌，于是即刻去考，希望第时拍戏有用。但做演员最好玩，好似《迷网》咁有好多喊戏，拍嘅时候要扮睇唔到身边嘅嘢系最难，但当一action就投入咗，真系忘记咗身边有啲咩事发生。（忘我？）系㗎！我都好想之后啲戏，讲普通对白，都可以投入到连叫cut都听唔到。」



不过，陈晓华亦明白做演员，可能要牺牲感情生活，「如果𠵱家我遇到个锺意嘅对象拍拖，但系我又开套剧好忙，咁咪冇时间培养感情罗！既然系咁，我唔想拍拖住。」但讲到择偶条件她仍然好雀跃话：「好多㗎！（使唔使识跳舞？（因她曾跟狄易达拍拖））哈哈！唔使啦！可以同我一齐打机啦！跟住佢会整嘢食，因为我唔会整，但可以负责洗碗嘅，会同我一齐睇我做嘅剧，唔好讲大话，乖乖哋就好。」