【性感小仙女】分享日常穿搭朱晨丽被网民质疑点解突然变咗样？

2020-08-13 11:30

朱晨丽大晒小蛮腰，对比返个几月前嘅相(中图)，𠵱家突然成个人瘦晒，被指连面口都唔同咗。

喺禁聚令下，大部份人都出现「抗疫肥」，但朱晨丽(朱朱)就愈嚟愈fit。最近朱晨丽(朱朱) 同马德钟、郭晋安等拍紧邵氏剧集《飞虎3壮志英雄》，冇见一排，突然瘦咗又靓咗，连个样都好似同以前有啲唔同，圆口圆面唔见咗，𠵱家面口都尖晒，变身索爆女神。

昨日朱朱喺社交网上载靓相，分享自己的日常穿搭。写道：「OOTD来了来了！夏天怎么可以不露出小蛮腰？高腰短款上衣，猪猪女孩的夏日必备，也是减肥动力#我的经典ICON##朱晨丽」身穿白色低胸露腰装配衬短裤及波鞋，束起头发嘅朱朱，好有少女味，相当省镜，她拨弄住马尾大摆甫士，大晒白滑长腿及小蛮腰，高挑身形非常养眼。唔少网民大赞小仙女女神好性感，羡慕她有条小蛮腰！身材好好…有人好奇追问她，呢辑相系咪由绯闻男友何广沛操刀？另外，亦有网友奇怪朱朱唔见咗一排居然变咗样，质疑她P图过度。