【锺意哨牙仔咁得意】被嫌唔够靓仔 江𤒹生夺沈殷怡荧幕初吻

Mirror成员江𤒹生（AK）第二首派台作品《蜗牛》MV，请来ViuTV节目《美女郊游游》的沈殷怡（Shirley）当女主角。此曲以AK的爱情故事作蓝本，表达男人对于恋事后知后觉，喻珍惜身边人。
Shirley在MV中演AK女友，画面穿插著二人恩爱及Shirley孤单一人作对比，AK就是饰演那后知后觉的男友，后悔得要流下男儿泪。问AK当中可有任何剧情是个人经历？他即说：「病唔喺身边未试过，除非要出去做嘢，否则都会陪女朋友，另外试过同以前女朋友一齐煮嘢食。」
至于找来Shirley参与演出，AK表示全靠友情搭够，二人相识接近10年，在他加入Mirror后大家同公司，实在有缘。其实Shirley更为了AK于MV中献出荧幕初吻。她说：「AK好Gentleman，佢都会事先问可唔可以锡脸，或者锡其他地方，大家都系想个MV好睇，有最大嘅效果，所以最后即使亲密镜头有啲尴尬都觉得唔紧要，观众觉得好睇就OK了。」被问到AK可是她的理想男友类型？Shirley笑说：「我锺意白白净净高大哨牙，AK笑咗我十几年，话边有人锺意人哨牙㗎，叫我唔好搞笑，但我呢个癖好到依家都戒唔到。佢成日都问我佢靓唔靓仔，以我嘅标准，有啲进步空间罗！」