37岁演员陈积荣患第四期肺癌：我唔惊死但仍想活下去

无綫第20期艺员训练班毕业的陈积荣（Jeff），昨日在社交网上载片段公开刚证实患上第四期肺癌。37岁的Jeff说：「因为呢件事我感觉到好多朋友帮我，所以我觉得我更加应该行出嚟拍呢条片，畀更加多人知道我打紧一场咩仗。我唔知点解会发生喺我身上，系好短时间嘅，基本上我6月中时背脊痛，开头以为系椎间盘突出，我用最短时间喺私家医院做咗几个Test，证实咗我患上非小细胞嘅癌症，亦冇任何先兆。我唔食烟，亦唔饮酒，饮一杯就醉；有踢波打波，条气唔觉得自己差咗，但依家正正喺个肺左下方大概6cｍ卡片咁大嘅肿瘤，引伸背脊后面有个肿瘤，点解系第四期，因为已经有扩散嘅迹象。」
Jeff讲到拍这片原因是知道很多朋友关心他，不想逐个致电回覆时已忍不住哽咽，因他不想令朋友担忧，并双手合十说：「唔好意思呢个真系一个bad news，我相信我可以打得赢，但我个人一定打唔赢。」望大家给他资讯。
Jeff续谓：「突然之间上天要攞走你就攞走你，可以好短时间，睇过医生话，你个Case以前得半年命左右，依家状况系不幸中大幸，报告显示肺我嘅肺癌种类最大路嗰种，可以用镖靶药去医治，背脊肿瘤要立即做电疗。」
去年断供医疗保险的Jeff谓，之后将决定食边种镖靶药，一代也要过万元一个月，很多医生建议他食三代，要五六万元一个月，他直认有经济压力，听个数字已好惊不知如何处理。Jeff说虽然可看公立医院，但其背脊肿瘤要尽快处理，需费6位数（以十万计），他再度哽咽：「个病开咗时间掣，好似死亡笔记咁，话畀你听你仲有几多时间。我唔惊死，但仍然想活下去！」