【出书啦】留家钻研环球美食　少爷占IG教煮餸变「疫境厨神」

本港第三波疫情严峻，政府日前勒令食肆晚市禁堂食，搞到抗疫期间人人变厨神！自2月初开始重拾镬铲的少爷占，大半年来都Keep住喺IG报告「食得够占」之今晚食乜，由早期玩烘焙、搓汤丸、腌叉烧，到近期仲钻研埋环球美食，不论日、韩、泰、台、上海菜……总之你讲得出嘅都有，其制作过款式有蕨饼、韩式伴饭、煎虾饼、台湾牛肉面、担担面等。

而最新一道菜式是「咖喱杂菜焗饭」，少爷占留言：「天气无咁热就可以做返啲Heavy嘢食啦。先做好个炒饭。（其实就咁蛋炒饭加两滴盐已经好好味）洋葱、薯仔及红萝卜切粒加水加咖喱砖。炒好杂菜。加埋一齐，面放上芝士，放入焗炉170度焗十分钟。食就五分钟。」每次他都会分享埋个简单食谱，有兴趣学煮嘢食嘅网友可以上少爷占IG偷吓师。