新剧收视更胜第一季　木村拓哉休闲帮狗狗「理发」

日本天王木村拓哉主演嘅剧集《BG搏命保镳2》，虽然受疫情影响，不仅经历停工、延至6月开播，剧集也因此缩减至7集，不过上周大结局收视比起第一季更好，全剧平均收视率达15.6％。木村既然完成咗新剧，近日未使开工，当然留守在家，出名系爱狗之人嘅佢，今日仲帮狗狗理发，虽然唔知系咪佢亲自操刀，但见木村贴出嘅相，贵妇狗Amur身边一堆狗毛，佢再加留言：「我理发」。其实呢啲唔使开工嘅日子，木村总有狗狗相伴，噚日就有另一只贵妇狗Etoile陪佢一齐睇书，搞到木村好似戴咗条毛毛颈巾咁，好鬼搞笑。