【维港会】中大生「中产老婆论」惹热议 师弟反驳屋邨妹胜名校女

年轻人拍拖拣另一半都有各种标准，家境好、收入高，自然成为「笋盘」。日前有中大毕业生在「CUHK Secrets」分享「拣女心得」，指一定要找有家底的老婆，一番「中产老婆论」惹起热议。而前日就有另一位中大生发文反驳，细数月入2万「屋邨妹」胜过6万中产名校女的原因，引起很大回响。

该名中大毕业生指，自己毕业4年，奉劝师弟老婆一定要找个有家底，起码要中产。他举例自己最近认识2个已毕业的女仔，「A中学系dgs（名校）， CU半神科，月入60K左右，屋企人中产。B中学系屯门村校，非三大，月入20K，住公屋」。B女性格知足肯捱苦，但凡事「求其」，亦不肯进修，令他开始失去上进心。相反A就很有目标，会陪他进步和计划未来。「我身边好多男人仲觉得老婆夹就好，唔洗叻同有钱。但咁谂好错，B咁嘅女人，同你再夹，都会拖垮你同下一代。」

前日有另一名中大生发帖反驳师兄的「中产老婆论」，「你想买个御龙山2房(980万)？唔好意思人哋嫌太细太远，最后你会被说服买湾仔囍滙2房(1600万)，如果系屋邨妹，御龙山都开心满足到不得了！」除了买楼，亦要被逼买贵车，「人哋爸爸揸开宝马M5，保时捷Panamera呢种级数嘅车，你唔系谂住买平价车挂？」甚至小至买礼物，没有名牌手袋和高级蛋糕都拿不出手，但反观「屋邨妹」就容易满足。发帖网民指出，除非自身亦有钱，否则不应看不起别人，「你识咁谂人，人哋都识咁谂你，冇咁大个头唔好戴咁大顶帽」。

不过网民似乎对两篇帖文都有不同看法，有人认为知足与否和家境无关，「屋邨妹都可以因为冇钱而贪慕虚荣㗎啫，唔好FF因为住屋邨就咁易知足先得㗎」、「唔同性格唔同质素的男仔女仔都会有人中意......用学校、屋苑将人分类成唔同性格，真系奇怪」，亦有人认为无关伴侣知足或上进，「佢有无上进心同你无上进心咩关系？我净系知你人生失意时，B唔会离开你，咁已经系你最大礼物」、「唔同价值观叫互补，相同价值观叫合拍，讲到尾就系唔锺意，唔锺意咪认咗佢」。