【维港会】好擦得！叶刘一人食两碗牛肉饭

受疫情打击，本港饮食业经营十分困难。新民党主席叶刘淑仪喺社交平台发贴，指自己好锺意食吉野家牛肉饭，仲话去年到医院接受全身检查，医生指佢血红素稍为偏低，建议多食牛肉，因此佢特别去光顾吉野家，刚巧当天胃口大开，一个人单点两份牛肉饭，大快朵颐。照片中叶太著樽领衫，唔知系咩时候影呢？

唔少网民惊讶叶太咁擦得，又有人建议佢要去支持美心旗下食肆，叶太就回应话自己早排买咗几百张美心棕咭！