【咁样唔得喎】戴口罩跑步唞唔到气 陈奂仁口罩笃窿助呼吸

因为「室外口罩令」，无论你食烟定做运动都冇得豁免，咁可以点?好锺意做运动疯狂出汗嘅陈奂仁(Hanjin)好听话，戴口罩出街跑步，但跑咗一阵佢就顶唔顺。

佢话:「唔敢唔戴罩出街。但实验证明，跑步时口罩会湿晒唞唔到气。」所以佢就蛊惑地喺口罩笃咗一个窿仔，但唞气都系唞得好辛苦，所以笃大咗。」朋友问佢有无畀人话，佢话冇， 因为「全部跑步嘅人都冇戴口罩，得我有戴。」