【头条戏场】《无定向丧心老友记》耆英爆Seed保家园

《无定向丧心老友记》系2019年阿根廷全国票房亚军，亦代表阿根廷出战金球奖最佳外语片。电影翻拍自76年阿根廷经典cult片《Yesterday's Guys Used No Arsenic》，删减Out咗的情节及主题，保留原作的疯狂黑色幽默及悬疑元素。由三个Uncle演员加一个Auntie演员孭飞，全部影帝影后级，因为对白够Mean，串人闹人直插入心，好笑够毒超锺意，片长129分钟，完全唔觉。(刚上映)撰文:廖思慧

布宜诺斯艾利斯郊区有栋乡郊大宅，入面住咗四个人，分别系曾经光芒四射嘅女星Mara(Graciela Borges饰)、佢个废柴老公即前演员Pedro(Luis Brandoni饰)、狠辣导演Norberto(Oscar Martínez饰)及恶毒编剧Martin(Marcos Mundstock饰)，后两者同Mara以前合作无间，亦同Pedro好老友，三个雄性耆英每日钓鱼、打猎同打桌球过日辰，闷咩?咁退休系咁㗎啦。

陌生人当然要小心
咪以为有钱又有大屋住好好，其实Mara一直顶唔顺老公嘅两个死党。一日，一对几靓嘅年轻男女「闯入」四人的生活，当然呢个「闯」字唔系咁简单。一直都话，有陌生人失惊无神对你好，九成九有蛊惑。然后Mara「惊觉」自己个名仲系好响，旁人欢呼呐喊搞到佢唔想再匿喺枯燥大宅同三个臭男人共度馀生，决意卖屋兼复出，三件雄性耆英决心捍卫佢哋嘅乐土，多场正邪食脑攻心计大斗法展开，睇到我系咁笑出声。
电影属舞台剧式喜剧，剧本过瘾，解构人性好到肉，一个演员都唔识，但睇得好开心。