【维港会】置业后惹同事冷言冷语 网民不忿：你哋上哂岸讲就轻松

示威加上肺炎疫情重创经济，不过香港的楼价持续高企。有网民就最近成功上车置业，不过就遭到一班同事的冷言冷语。

网民上周发文，「大半年来不停睇楼。自己唔系有钱人，知道自己可以选择嘅系咩，心头自问唔算高。就算30年楼、居屋、非市区都会睇。 最后终于上咗车。」网民透露，买了屯门大兴花园，月供1万多元

事主坦言，上车前都知香港政治动荡、世界经济不好。但身边同事知事主买楼后，好多闲言闲语，「例如你咁勇呀、你份工无咗咁点、你好有钱喎呢个时候入市。」

事主不禁自问，「明明买楼开心事，本身都系自住用，讲真买完惊惊哋。 有啲上咗岸嘅同事就话移民。我边有你哋03年买咗楼嘅人有钱呀？！ 真系嬲嬲哋。你哋自己就上哂岸，讲就轻松。唉」

事主其后再留言，称「冷静咗两日，心情终于好啲。听朝返工又要对住班同事，明明开开心心咁返工。点解某啲人咁钟意批评人哋，明明件事就唔关佢事，系啲咁私人嘅事都要比说话人哋听。对住班咁嘅人，谂起就攰」