【头条独家】56岁装扮似26岁 吕珊潮婶Look名店试袋

童星出身嘅吕珊，唔经唔觉已入行五十周年。可能00后未必识佢，介绍返，吕珊九岁就开始唱歌搵食，唱过酒廊同荔园，亦试过出埠登台，其实佢系另一个梅艳芳，有时命运嘅嘢真系好难讲。计吓数，吕珊已经56岁，虽然年过半百，但从佢身上完全发现唔到半点中年人味道，好Fit，着衫又潮，外国人最多估佢3字头。采访:梁志明

之前有传暴瘦嘅吕珊患上厌食症，不过佢接受电台访问时就澄清，因为几年前经常开演唱会，为保最佳状态不断减肥而过度节食，减出瘾先畀人误会。不过呢，上咗年纪，太瘦会显得个人好老，好彩佢又唔算咋。

试袋心大心细
当日下昼5点，着住件名牌羽绒，戴住顶Vans Cap帽嘅吕珊去咗锣湾利园行名店，见佢一支箭入咗LV，一入去就睇袋，先睇中一个侧孭袋，即孭上身就照镜，然后再睇中一个手挽嘅，试挽完又好欣赏咁摸住个袋，应该心大心细中，然后见佢坐低等，应该系等Sales拎新袋畀佢，最后究竟买咗边款?唔知呀，因为尽责嘅店员通知吕珊门外有记者，然后吕珊极速消失喺记者眼前，bye bye。