出新碟搞儿童绘画大赛　艾粒获网友九唔搭八回应劲搞笑

艾粒去年4月举行完两场《艾粒Boom红馆激战》演唱会后，今年除了出了新歌《戴了口罩你最美》外，原来仲打算推出新碟，呢日阿占（Jim）和阿奴（Ronald）就分别出Po宣传，仲话之前决定举行「艾粒儿童绘画大赛」，10岁以下小朋友就可以参加，胜出作品有机会成为艾粒新歌线上封面。


阿占用了日本组合KinKiKids相，再写：「即系本来我幻想艾粒嘅唱片封面系咁靓仔嘅，但出到嚟变左第二件事，有见到及此，我地即将推出全新作品之前，决定举行［艾粒儿童绘画大赛］。胜出作品会成为我地全新单曲线上平台封面，亦会得到亚加力胶奖一个，可能仲会有小一面试同学最锺意嘅烂鬼证书一张。参赛作品请inbox我或者Ronald，参赛年纪方面不限，但系10岁以下。」而阿奴就用日本女团乃木坂46的秋元真夏同樱井玲香合照，并留言：「原来幻想艾粒唱片封面系咁，可惜想得太远，又唔照镜，出到嚟系另一回事，唉！由于艾粒好日都唔出新歌，所以我哋决定举办「艾粒儿童绘画大赛」，等一班细路出手画我哋，胜出作品有机会成为艾粒新歌线上封面，另外喺砵兰街胶板店制作的巨型迷你奖状，以及爸爸妈妈最happy嘅小朋友证书，拎去入学面试真系一流！年龄不限，十岁或以下或以上或以左或以右就快啲参加！等你作品」


由于佢哋出Po都系一贯无嚟正经，所以网友回覆时亦一样九唔搭八，譬如话：「请问样似十岁可唔可以参加？」、「心智10岁以下ok？」、「你队组合仲有，以为解散咗」、「唔好话俾我听最后得奖系您个仔呀下」、「我老公堂本光一堂本刚」，反应相当搞笑，可惜真系话参加嘅人唔多罗！