【头条独家】胡鸿钧想同蔡思贝齐搵真银马国明提议绯闻CP拍广告

2020-06-01 00:33

马国明和胡鸿钧（Hubert）在《降魔的2.0》中再度合作，马明演的「小马」有成长外，Hubert亦由劲讨好的「石敢当」变成cool爆的「豪仔」，令他有一定压力。Hubert拍该剧时一度受伤入院，但因失忆未有留下阴影，不过马明亦提醒他注意安全。至于Hubert被指因蔡思贝而冷落好友许廷铿，他否认指两人都是好朋友，更笑指可拿思贝绯闻齐搵真银，马明仲建议这对CP拍广告。撰文：杜淑霞摄影：李维隆服饰：Have&Have@MYND Store、Moho@MYND Store(马国明)、Shirter@MYND Store(胡鸿钧)

对于「豪仔」角色不及「石敢当」讨好，Hubert演绎时都有挣扎，「因我知大家都锺意『石敢当』，我潜意识都想有番『石敢当』影子，但我又要好理性同自己你讲今次系『豪仔』嚟。」而马明就好玩得多，「我比较锺意做啲down to earth角色，好地角色好好玩又好自在，基本上个妆化得唔好个头吹得唔好都冇所谓，如果做专业人士你要执到好正出镜，小马对我嚟讲系个好舒服角色。」

靠绯闻闯出一面天
该剧拍到尾声，Hubert拍一场吊威吔戏撞伤头部入院，现在仍要做物理治疗的他，坦承因没受伤时记忆，还未知有没有留下阴影，但为免爱锡他的人担心往后肯定会更小心，「自己年纪开始愈嚟愈大，身手冇咁敏捷，整亲都冇以前康复得咁快，万事安全为上，最紧要唔好令到身边嘅人担心，特别系父母。」马明就话，「我之后都有提醒佢，吊威吔唔可以放松个头，如果佢一路hold住个头就唔会咁伤，不过呢啲系经验嚟，要学识保护自己。」

至于Hubert被指重色轻友，因绯闻女友蔡思贝而冷落许廷铿，许廷铿更投诉他不覆短讯，他就解释对所有朋友都习惯睇心情覆，马明更帮手解围，「佢有时都隔一两日先覆我。」至于跟思贝关系，他再澄清只是好朋友，亦未有受绯闻影响，「大家好open，冇任何嘅尴尬，朋友就系咁，唔会刻意避忌，我哋都系一笑置之，好彩大家仲会讨论我哋，我哋有话呢个绯闻情侣关系，可以一齐搵钱。（马：话唔定有广告拍𠻹！）呢对CP可以闯出一面天！」