星岛日报

【头条独家】演绎大胆情欲戏冇包袱 关智斌望观众视为真正演员

2020-05-28 19:00
Kenny跟温碧霞豁出去演绎大胆情欲戏,他希望观众睇完电影会对他改观。
Kenny跟温碧霞豁出去演绎大胆情欲戏,他希望观众睇完电影会对他改观。

关智斌(Kenny)继14年演出港产片《救火英雄》后,主力发展内地巿场,最近再参与电影《堕落花》演出,演绎在英国长大的贩毒集团主脑养子「傅馀浪」,角色相当大胆,更有不少情欲戏份,Kenny谓自己早已放低偶像包袱,所以拍摄完全冇尴尬,但自己睇完片都不禁「哗」一声,他期望透过今次角色,打破观众对他的既有印象,视他为真正的演员。撰文:杜淑霞 摄影:李维隆 发型:[email protected] 化妆:Elaw [email protected] 服装:D-mop、Christian Louboutin 场地:英皇戏院(尖沙咀iSQUARE)

Kenny由偶像歌手出道,转眼12月便踏入4字头,外表绝对睇唔出。
Kenny由偶像歌手出道,转眼12月便踏入4字头,外表绝对睇唔出。
Kenny首度跟温碧霞合作,他大赞对方冇架子,更带动他投入拍亲热戏。
Kenny首度跟温碧霞合作,他大赞对方冇架子,更带动他投入拍亲热戏。



对于今次角色突破,跟温碧霞和郭奕芯亦有不少情欲戏,Kenny坦承接拍前完全没包袱,「我拍嘅时候真系冇咁嘅感觉,因为呢7年我都向咗演员发展,我喺内地拍咗好多角色,而且唔一定系正面角色,我已经好自觉掉低嗰啲所谓包袱。」不过,当睇片时Kenny都意想不到,「加埋配乐、剪接同调色,自己喺戏院睇都有少少『哗』咁样。(自己都估唔到?)哈哈!都有少少估唔到。」

相对于情欲戏,Kenny觉得这场以英国口音演讲戏份更难,他要专登找老师补课。
相对于情欲戏,Kenny觉得这场以英国口音演讲戏份更难,他要专登找老师补课。
早前家居隔离的Kenny,学识善用社交媒体,难怪他筹拍的题材也跟这方面有关。
早前家居隔离的Kenny,学识善用社交媒体,难怪他筹拍的题材也跟这方面有关。



主动出击自制机会
Kenny认为香港观众看着他成长,希望今次角色令大家对他有新睇法,认定他是个演员,「好多fans系睇住我大,或者一同成长,对我呢个形象好强,如果对于我做演员嚟讲未必系一个好处,啲人对我太有既定形象,呢部戏对于我嚟讲,可以令到大家觉得我都可以系一个演员。」



年底便40岁的Kenny,去年首开个人演唱会经验,令他学懂珍惜,「我以前会觉得平时做啲嘢可能系白费,但系原来你唔知,做咗好多嘢积积埋埋到咗某个点嘅时候,可能会成就咗你嗰刻嘅一个燃料,经过上次,更加觉得只要你重视尊重番每一次工作已经够。」而他亦认同做演员太被动,会尝试主动出击搞制作自制机会,更想探讨如《Black Mirror》(《黑镜》英国独立单元剧)这类题材,「因为大家都沉迷科技,但拍嗰个题材始终偏番外国人用科技,可以讲香港人用科技同埋点用社交媒体。」

近年Kenny在内地拍下不少作品,剧集《长相守》中更要扮女装。
近年Kenny在内地拍下不少作品,剧集《长相守》中更要扮女装。
Kenny新歌《日月》MV由他亲自策划,请来陈咏燊执导和陈湛文演出,Kenny爸爸亦有份客串。
Kenny新歌《日月》MV由他亲自策划,请来陈咏燊执导和陈湛文演出,Kenny爸爸亦有份客串。

最新回应

關鍵字

相關新聞

热门文章